نعم علي رؤوسنا بطحة .

نعم علي رؤوسنا بطحة . 

في الحقيقة انا عندي انتقاد كبير لمجموعة من الرفاق اللي كل ما تتكلم معاها ف ان موقفهم لازم يكون واضح ومباشر ضد كل من الاخوان المسلمين و العسكر معا ,

وتنتقد فيهم غياب موقفهم ضد الاخوان المسلمين وانه مش واضح وضوح موقفهم ضد العسكر "مش بقول تحميل المسئولية " فيرد عليك يقولك هو احنا علي راسنا بطحة !!

أيون يا سيدي الفاضل احنا علي راسنا بطحة وموقفنا ملتبس وعمرنا م حنوصل للشارع بالتباس موقفنا ده , لان ببساطة الامر معقد جدا والصورة رمادية والناس معندهاش  رفاهية التصنيف .

خصوصا انا موقفنا كلها بتكون في احيان كثيره مواقف أخلاقية وليست سياسية ونابعة من شعور داخلي للتخلص من الذنب .

وان الاخوان يروجوا للموقف بتاعنا ويقتطعوه علي مذاجهم ويروجوا ليه , ويحملنا  حشد عكسي ضدك .

والامثلة علي ده كتير  جداا منها رابعه وموقفنا ضد فض الاعتصام بالقوة ....الخ بس محدش فينا انتقد الخطاب والتحريض الطائفي اللي كان بيتم ف الاعتصام ده , ولا حد فينا اتكلم عن ادانه واضحة لقيادات الاخوان ف انها بتساعد العسكر في ارتكاب مجاز وبتضحي بشبابها من أجل كسب موقف سياسي لصالح الجماعة "وليس لصالح الثورة "

وفي نفس الوقت ننتقد تخازل الجيش في حماية الكنائس بقوه وبنحمله مسئولية مقتل الجنود اللي كانوا راجعين من خدمتهم وتم قتلهم بطرقة بشعه للانه لم يحمي الجنود ويأمن خروجهم زي كما يؤمن كبار الظباط خاصه مع حساسية الامر "انا من الناس اللي انتقد ده  ورأي المفروض يتشال فيها وزير الدفاع "

تعالي بقي علي التحركات اللي ف الشارع واللي وحنتفشخ فيها لو اتحركنا خارج  محيط وسط البلد بالمناسبة  وده بسبب اختراقنا من مجموعات من شباب الاخوان والشباب اللي محسوبين عليها .

ف الاخر عشان مش حابب اطول يجب أن تعلن مواقفنا بوضوح كافي وان لا نمل علي التأكيد علي اننا ضد الاخوان ورجوعهم للحكم زي محنا ضد العسكر وان مفيش حاجة اسمها شرعية لان شرعية مرسي سقطت بتحالفه مع الفلول والعسكر اللي قلبوا عليه بعد كدا وخروج الجماهير يوم 30/6 مكنتش مؤامرة ولكنة كان كره شعبي للنظام اللي موجود وانه كان اسوء من نظام مبارك

تذكر 

*هم يطالبون بسقوط حكم #العسكر ورجوع حكم #مرسي , ونحن نطالب بسقوط حكم #كل_ولاد_الكلب , عفوا طريقنا #مختلف

*القوي الرجعية "الاخوان يعني " دائما ما تكون عبئ علي الثورة , ولكن المميز في #الاخوان انهم عبئ علي الثورة سواء كانوا ف الحكم او ف المعارضة

*اوسخ شئ انك تشوف مسيره رافعه صورة #للسيسي او #وزير_تادخلية وتسمي نفسها مظاهرات ثورية , وانك تشوف #الاخوان بيهتفو هتافات الثورة قى مسيراتهم .

رؤوسنا

وسام البكري يكتب : لعنة ترك الميادين

لعنة ترك الميادين مايحدث هذه الايام هي لعنة خيانة الثورة والابتعاد عن الميادين بعد تنحي المخلوع يوم 11 فبراير 2011 وتكليفهُ للعسكر بإدارة شئون البلاد..علي كل الشباب المخلص حقاً للثورة ومُصر علي تحقيق اهدافها ان يتحد , فمن ضحي بالدماء منذ 25 يناير 2011 حتي الان هم الشباب وهم ايضا مستعدون لتقديم المزيد من الدماء...جميعنا بمختلف انتماءاتنا نريد مصلحة الوطن ولكن تختلف رؤيتنا للمشهد وهذا الاختلاف مصدره النخب المتعفنة ولكن اذا ابتعدنا عن هذه النخب وحكمنا علي المواقف بالفطرة التي خُلقنا عليها حينها سنتعامل مع انفسنا بما لا يخالف انسانيتا وسنصر علي ألا نعود الي منازلنا إلا بعد القصاص لشهدائنا وتحقيق الحقوق التي طالما نادينا بها وهي العيش والحرية والعدالة الاجتماعية والكرامة الانسانية علي ان اتخرج من حيز الشعارات الي اطار التنفيذ واعتقد ان اغلب القوي الشبابية لديها رؤية صائبة لتخطي الازمة الحالية التي تذهبنا الي طريق"اللي يروح مايرجعش" .. ما دفعني الي هذا الحديث هو الجريمة التي حدثت امس علي يد النظام المستبد فكلنا فوجئنا بأن الكثير من زملائنا واقاربنا في الشوارع معرضين للخطر ويعلمون انهم سيموتون ورغم ذلك مصرون علي البقاء في الشارع وبالرغم من اختلافي معهم فثباتهم يدل علي ايمانهم بما يفعلون لدرجة انهم ينوون الشهادة وهنا ينبعي ان نقف وقفة مع انفسنا لنضع ايدينا علي المرض الحقيقي..من الذي يصنع هذه الفجوة الهائلة بين الشباب؟! من الذي يدرك قوة الشباب اذا اتحد علي قلب رجل واحد واجتمعوا علي الثوابت الوطنية التي لا خلاف عليها؟! اصبح واضحا للجميع بما لا يدع مجالاً للشك ان النخب هي سبب في هذه الفجوة بين الشباب ولولا النخب لظل الشباب في الميادين حتي تحقيق حميع اهداف الثورة...فنخب تيار الاسلام السياسي فضلت انت تتحالف مع مجلس مبارك العسكري تاركة خلفها الاف الشباب يواجهون العسكر والداخلية وحدهم وفوجئنا نحن شباب التيار المدني بأرتكاب النخب المدنية نفس الجريمة التي ارتكبها نخب تيار الاسلام السياسي فتحالفوا مع العسكر والفلول وغضوا بصرهم عن الدماء التي تسيل في الشوارع في الاونة الاخيرة و بناء علي ما ذكرت فأن النخب في مصر نوعين :النوع الاول "فلول" يعمل لمحاولة استعادة النظام السابق سيطرته علي مقاليد الحكم كاملة حتي المعارض منهم كان "معارضة مستأنسة" النوع الثاني: ليس فلول ولكنه يتسم بالاغباء وليس عنده رؤية واضحة للخروج من الازمة ومنهم ايضاً الوطني ولكن مصاب بمرض"الاخوانوفوبيا" علي الشباب المُصر علي تحقيق اهداف الثورة ان يتخلي عن تابعيتهُ لهذه النخب المشبوهة ويعود الي النقطة التي افترقنا فيها..فلنركب اَلة الزمن ونعود الي 11 فبراير 2011 ولنتخيل اننا نري خطاب التنحي الذي القاه عمر سليمان وفور انتهاء الخطاب نهتف"الشعب يريد اسقاط النظام" لنذكر انفسنا ان الهدف هو اسقاط النظام وليس الرئيس ومعني العودة الي 11 فبراير هو عدم الاعتراف بأي مسار سياسي حدث بعد 11 فبراير من استفتاء ترقيع الدستور لأنتخابات مجلس شعب و أنتخابات رئاسة لأستفتاء دستور" لن نعترف من بعد 11 فبراير إلا بالدماء التي سالت في ميادين الثورة ونعلن من الميداين اننا لن نوافق علي اي مسار سياسي إلا بعد تحقيق اجندة الثورة ولا شرعية في مصر إلا للشرعية الثورية واهم ما ستتضمنه الاجندة الثورية: 1- تطبيق فوري للحد الأدنى والأقصى للأجور 2-اعادة النظر في كل المسجونين والمعتلقين علي خلفيات سياسية والافراج الفوري عن ما يثبت براءته 3- تطهير القضاء وإصلاح متدرج لمنظومة القوانين الفاسدة 5- اعادة هيكلة الداخلية وتطهيرها 6- تطهير الإعلام ثم تطبيق ميثاق شرف حقيقي وملزم 7-محاكم ثورية لمن يثبت تورطهُ في اهدار دم مصري وليكن املنا في الله كبير وتذكروا ان خروج الالاف في 25 يناير كان حلم وتحقق لأننا اخلصنا النية وكنا نطالب بالحق واذا عدنا نطالب به مره اخري علي شرط ان يكون حقاً كاملاً غير منقوص فسيتحقق الحلم بإذن الله

#تسقط_دولة_العواجيز

15 اغسطس 2013

وسام البكري

الدين أفيون الشعوب , انزل 30/6 .

الدين أفيون الشعوب قلب عالم بلا قلب روح عالم بلا روح .

• 
  
  نعم الدين هو متنفس الفقراء للخروج من هم الدنيا وعنادها الي نعيم الاخرة وبزخها .
  
  
  
  
  دائما ما يفكرون وينتظرون  الحور العين ويمنون انفسهم بهم  بدل من حور الدنيا التي يمنعهم عنها فقرهم .
  
  
  نعم يمنون نفسهم بتفاح الجنة عوضا عن تفاح الدنيا الغالي الثمن , يمون انفسهم  بقصور الجنه عوضا عن شقه 70 متر في افقر احياء القاهرة ولا يمكنهم الوصول اليها .
  
  
  ولكن . هل الله حدثنا في كتابه  وسنة رسوله عن الجنة لنتنازل عن حقوقنا في الدنيا !!!!!
  
  
  
  
  ألم يأمرنا الصحابي ابو زر الغفاري بأن نخرج علي الناس "المجتمع يعني والحكومة " اذا لم نملك قوت يمونا ؟؟؟
  
  
  الم يقر رسولنا الكريم مبدأ الحق في العمل عندما جائه رجل يطلب منه مال من بيت المسلمين فقال له(صلي الله عليه وسلم )  اذهب فاحتطب ؟
  
  
  الم يقل سيدنا علي "رضي الله عنه " ان كان الفقر رجلا لقتلة !؟!؟!؟
  
  
  الم يقود الحسين الالاف من الفقراء في ثورتهم ضد يزيد ؟!
  
  
  لماذا يحدثنا حسان ورفاقه عن الزهد وتحمل الفقر وعناء الدنيا وهم يعيشون في ابراج مشيده ؟؟
  
  
              لماذا لا يأخذون هم آخرتنا ونأخذ نحن منهم جنتهم إن كانوا صادقين ؟؟
  
  
         اللي عايش في فقر وذل في الدنيا سيعيش في فقر وذل  في الاخرة واللي عايش في رغد وحياه كريمة في الدنيا سيعشها في الاخرة لان الله لن يساوي بمن يتوكل علي الاخرين في الاخذ بحقة وبين والذين يخرجون علي الظالمين لينتزعوا حقوقهم .
  المؤمن القوي عند الله خير من المؤمن الضعيف كن قوي وانزل 30/6

خطف الجنود وكامب ديفيد وشيطنة أهالي سيناء

&& الموضوع اكبر من خطف 7 جنود .
الموضوع
. - كامب ديفيد  - المعامله السيئة للاهالي سيناء - الجماعات الجهاديه في سيناء

* في ظل وجود اتفاقية كامب ديفيد (الملحق الامني ) يبقي انت معندكش قدره انك تعزز جنودك وتفرض سيطرتك علي اراضي سيناء .وسيادتك منقوصه زي ما شوفنا في عملة قتل الجنود في رمضان مدخلش الطيران المصري الا بعد موافقة الصهاينه ,

* معاملة اهالي سيناء .. النظام اللي فات كان دائم التشويه في اهالي سيناء واتهامهم بالعماله والخيانه ومازل النظام الحالي (وبعد ثوره استبشر فيها أهالي سيناء خيرا خاصه بعد زيارة شرف ) يستخدم نفس اساليب نظام مبارك في التعامل معهم مما زاد  من كرهم للنظام والشعور لعدم الانتماء الي البلد "الاغتراب بلد لا تعترف بي وتهمشني وتقلل من شئني "
وده فيديو للمصري اليوم مسجل مع المساجين مهم تسمعوه http://www.youtube.com/watch?feature=player_embedded&v=fUSLY1fPU7I#!


* سيناء منطقة خصبه للخارجين عن القانون والجماعات الجهاديه الارهابيه في ظل الغياب الامني والطبيعه الجغرافيه للمكان مما تؤهلها لان تكون ارض خصبه للجماعات دي ,
خاصه مع كره اهالي سيناء للنظام والحكومه مما يسهل عمل الجماعات دي .

الحل .
*كسب ثقة أهالي سيناء وذالك عن طريق تعميرها بمخالفة الكتالوج الصهيوني الامريكي اللي مصر ماشيه عليه من ايام السادات .

*اعادة النظر في اتفاقية كامب ديفيد وخاصة الملحق الامني اللي ممكن نغير لو توافرت الاراده السياسيه مما يجعلنا كاملي السياده علي ارضينا .

*المفاوضات مع اهالي سيناء واعاده فتح ملف السجناء من أهالي سيناء لااننا عارفين ان فيه اعداد كبيره جداا من أهالي سيناء داخل السجون بتهم ظالمة وغير معقوله وعلي رأسهم ال3000 مصري سيناوي اتقبض عليهم بعد احداث طابا .







*التعامل الامني خطأ التعامل السياسي هو الحل

في ذكري العباسية المساجين مش بلطجيه

بمناسبه العباسيه والنهارده الذكري الاولي ليها .
حابب اتكلم بشكل مختلف شويه عن التجربه دي وحابب اسلط الضوء علي فئه من المجتمع شيطنها الاعلام في الفترة اللي فاتت وطبعا السينما المصرية كانت ممهده الطريق الي ده ,
الفئه دي بقي هي المساجين .
لما دخلت سجن طره زي زي اي مصري مرعوب من المساجين اللي هما زي منا بسمع وبشوف في الافلام ناس غريبه الاطوار ونصف وحش .... الخ .

وكانت صدمتي الاولي اني دخلت لقيت بني ادمين عادين زينا يعني او "مش زينا اووي وحوضح دا بعدين" , المهم قبلت ناس أول ما دخلنا قعدوا يطمنوا فينا ويقولولنا متخافوش وربنا معاكم وبيفضولنا سراير "ملل بلغة السجن " واماكن ننام عليهم واللي صحته فينا كويس بينام علي الارض واللي مدغدغ بيفضوله مله ينام عليها "لان طبعا الملل بالاقدميه واحنا جداد فبعرف العنبر مينفعش ندخل علي مله علي طول .

المهم وبعد كدا نزل الاكل والتحيه للي بيدخن وحشيش للي بيحشش وتلفون للي عايز يطمن أهله وكل ده ببلاش ولما جات لينا الزيارات رفضوا انهم يكلوا من أكلنا وكمان جبولنا أكل من عندهم .

ورغم كل ده كانت الليله الاولي من ارعب الليالي اللي قضيتها في حياتي عشان لسه برضوا خايف وخاصه ان كان معانا واحد مجنون رعب أهلي ةمكنتش اعرف انه مجنون غير بعد كدا "الواد دا جاي معانا علي فكره "

المهم بقي لما عدي ال يوم وصبح الصباح انا كنت مهتم اني اتكلم معاهم واقرب منهم واعرفهم كويس بصراحه اكتشفت التالي .
* اغلب ناس ممكن تقبلهم في حياتك .
* ناس مناها ونفسها انها تاكل بالحلال بس حتاكل ازاي بالحلام وهم دفعوا للحرام او غيري القانوني دفع 
* لو سألت اي حد فيهم حتلاقيه نفسه ابنه يطلع مدرس او محامي او مهندس او دكتور 
* نفسهم نظره الناس فيهم تتغير لان غالبا نظرة الناس هي اللي بتجبرهم علي طريقهم ده وعدم الرجوع عنه .
*الناس دي بقي احنا ظوفنا احسن منهم لااننا منشأناش في ظروفهم ونشأنا في ظرف افضل منهم وهو دا الفرق بس .
* لو فيه ثوره حقيقه قامت في البلد دي 90% من الناس دي المفروض يخرج خارج السجون لانهم ضحايا مجتمع وليس العكس ,

* المسااااااااااااااااااجين مش بلطجيه ولا مصاصي دماء دي ناس عايزه تعيش وبالحلال كمان بس هيئ ليهم الظروف .

البنت اللي مش شرموطه والمجتمع الشرموط

البنت اللي مش شرموطه والمجتمع الشرموط

في ظاهره بتنتشر في بلدنا والنهارده "عيد الحب يعني "

البنت ماشيه مع الولد او ولدين وحاطط ايده علي كتفها او قاعدين في
جنينه او كورنيش وفي اوضاع نسميها مخله ..

طبعا اول وصف بيتقال ان البنت دي شرموطه , ولا ينال الولد من اللفظ  

نصيب أى الولد تمام، والبنت دي بتكون نوعين بنت بتعمل كدا عشان 

فلوس او بنت بتحب الواد بجد

نيجي للبنت اللي بتعمل كدا عشان فلوس وهي المعنيه بالنسبالي في هذة السطور .
اقصي تجارة في الدنيا هي تجارة العبيد والرقيق واللي هى كانت تقريبا 

محور ثورات كتير من اول بدء الخليقه حتي القرن ال19 تقريبا وهي 

كانت محور اساسي لعدد من الاديان منهم الاسلام علي سبيل المثال اللي كان بينادي بتحرر العبيد ... الخ
المهم كان سبب تجريم هذه التجاره هو انها كانت بتجعل من الانسان سلعة تباع وتشتري "سلعة خاي بالك "
نيجي بقي لتجارة الجنس بدرجاتها- لما نيجي نبص للتجاره دي سنجد انها لا تفرق فى شئ تجارة الرقيق لأنها "جعلت من الانسان سلعه "
والفرق فقط يكمن فى ان الرق يعتبر تمليك والجنس ايجار .؟؟ّ1!!
والسؤال هنا .. هو فيه حد فينا بيحب يبيع نفسه ؟؟ او يأجرها ؟ ولا المجتمع هو اللي اجبره علي كدا ؟.
اسأل نفسك وبعدين انزل تحت .
من وجهة نظري اننا قبل ان نلوم البنت اللي بتأجر نفسها لواحد من أجل المال يجب ان نلوم علي المجتمع الرأسمالي اللي حولها الي سلعه بل حولنا جميعا الي سلع في السوق رجال وبنات .

المشكله بالنسبالي مش ف البنت اعتقد المشكله في المجتمع المادي اللي حول البني ادم إلي سلعه وان حربه اللي كانت ضد العبيد كانت حرب لمصلحته لانه حرر الانسان من العبوديه التقليديه الي عبوديه جديده وهي عبودية السوق والنظام العالمي .

اذا اردنا ان نقاوم هذه الظاهره الغير اخلاقيه "مش الغير دينيه بس " لابد من اسقاط هذا المجتمع الشرموط
والاشتراكية هي الحل .

عن العنف الفردي احدثكم

• عن العنف الفردي أحدثكم

طبعا بعد التأكيد علي كرهي الشديد للمقدمات وجهلي التام بقواعد اللغة النحوية والإملائية
ندخل بقى في الموضوع، إحنا النهارده قدام ظاهرة مهمة جدا وهي مجموعات من الشباب الغاضب بتكون دائما في مقدمة الفعاليات سواء مظاهرة أو اعتصام وتشتبك مع الشرطة أو الجيش ويستمر الاشتباك ليوم أو اتنين، وممكن تؤدي الاشتباكات إلي فعاليات أكبر يقع فيها مصابون كتير وشهداء (أنا هنا برصد واقع دون التطرق لمين غلطان)
.
وبعد شوية ظهرت مجموعات شبابية تتخذ من العنف الفردي وسيلة للتغيير زي جروب المشاغبين وبعد كدا البلاك بلوك .
وهنا يجب إننا نتكلم شوية ليه المجموعات دي ظهرت .

من وجهة نظري المجموعات دي ظهرت كنتيجة للثورة، فبعد تنحي رأس النظام تخيلت مجموعات من الشباب الثوري وغير الثوري أن الثورة انتهت وحان وقت الاحتفال .

وبعد مرور الوقت، جاء استفتاء مارس وانتخابات مجلس الشعب وزيادة عنف الجيش ضد المتظاهرين مما أدى إلى إحباط شديد. وسرعان ما تكون عند الشباب شعور بأن الثورة لم تنجح فلازال هناك ذيول لها مثل النائب العام والشرطة والمجلس العسكري والإعلام.

فحدثت بعض المواجهات القوية زى محمد محمود ومجلس الوزراء والعباسية، وظهرت في الموجه دي أولى المجموعات وهي "جروب المشاغبين".

بعد شوية جت انتخابات الرئاسة وجت حاله من التفاؤل الحذر لدى الشباب بإن فيه رئيس حاييجي وحايبعد أكبر ذيل لمبارك: "المجلس العسكري"، وخاصة إنهم كانوا بيعتقدو إن للإخوان شريك طابق علي نفسهم هم العسكر، ولما ييجي رئيس والعسكر يمشي فالإخوان حيظبطوا الدنيا.

المهم مع مرور الوقت اكتشف الشباب إن الإخوان يسعون إلى تصالح مع النظام القديم، خاصة الأجزاء الفاسدة فيه (شرطة وجيش ورجال أعمال معروف عنهم الفساد).

والجدير بالذكر إن المرحلة دي شهدت ظهور مجموعات شبابية جديدة وممكن تكون أول مره تنزل مظاهرات .
وكان للشباب دول طبيعة معينة، إنهم حاسين إحساس اللي دفع دم قلبه واشتري الترماي وإن الإخوان نصبوا عليهم عشان يتمكنوا. والأخوان مستمرين في مشروعهم الخاص وظهر ده بعد دستورهم ولجنتهم التأسيسية وخناقتهم مع القضاء اللي كانت خناقة حرامية علي توزيع الغنائم.

وبعد الـ100 يوم ومهرجانات البراءة والمصالحة اشتعلت المظاهرات، ووجد الشباب أنفسهم أمام شرطة أشرس من شرطة مبارك ومليشيات إخوان وشحن ديني ضدهم بأقصى درجة .

وطبعا النخبة السياسة كانت عايشه في ماية الفجل فهي لم تستطع قراءة الشارع ولم ترفع مطالبه، فهي دائما ما كانت خلفه ومتأخرة عنه "ممكن عشان النخبة اللي متصدرة ليبراليه معادية للجماهير أو بالأدق بتخاف من الجماهير >"
وفي الوقت ده ظهرت فكرة التصفية للشباب اللي دايما موجود في أول الصفوف سواء بالقبض عليه، أو تلفيق تهم، وأخيرا خطفهم وتعذيبهم، ومن هنا ظهرت فكرة إخفاء الوجه والبلاك بلوك
.
طيب إيه ؟!! مع ولا ضد ؟!!
1: أولاً دي وجهة نظري اللي أنا مقتنع بيها وقت الكتابة, اللي مقتنع قشطه واللي مش مقتنع نتناقش.
2: اللي أنا كاتبه دا مجرد وجهة نظر مبدئية وهي دعوة للنقاش حوالين الظاهرة دي
3: أنا شايف إن العنف المنظم هو الحل (احتلال مصانع إضرابات عامة .. الخ).
4: وده مش حايحصل إلا بتنظيم الجماهير، والجماهير مش حاتتنظم إلا لما يكون فيه رؤية سياسية تتناسب مع الوقت الراهن، بالإضافة لهدف واضح، وهو دا من وجهة نظري الأمل الوحيد لانتصار الثورة.
5: حتى تتوافر الرؤية السياسية والهدف الواضح اللي حايؤدي إلى تنظيم الجماهير علينا التوقف عن انتقاد مجموعات العنف الفردي حتى نوجد لهم بديل .

آسف علي الإطالة
حليم حنيش 10/2/2013