انا اكتر حاجة بكرها في الكتابه هي المقدمات لاانها ديما دمها تقيل وانا قاعد علي السرير وعايز انام ومش عارف دار حوار بين القلب والعقل بين المبادئ و الاحاسيس المهم كان الحوار علي إيه عن الحب الحب الشوق الشوق .
المهم قلبي قالي متحن عليا بقي ونفسي اكون زي قلوب البني ادمين واحب انا كمان هو انا يعني مليش في الحب جانب
رد علية العقل وقال اغتشي عيب
رد القلب قالة بقي بامانه انت عجبك كدا ياعم نفسي احب واتحب وسيبك بقي من اغنيه خايف اوعدك موفيس اقولك فية تلاقي مفيش
علي فكرة بقي ان اناني ومش بتحب الا نفسك ومزودها حبتين
رد العقل قاله يعني انا احب واتحب وانا مش شايف ليا مستقبل ولا اي ضمانه ان الحب دة يسير في مسارة الطيعي
رد القلب قالة ايوة بقي خش عليا خش دور المبادئ والقيم دخل اهوت
طبعا رد العقل وقالة متقطعنيش (وتن باصص ليا وقال يا تمسك القاعدة عدل ومتخليش اي حد يقطعني يا اما حد تاني يسمك القاعدة )
وكمل قال يعني انا اجرح قلب واحد احسن مجرح قلبين
القلب ؟؟ قلبين ازاي ؟
قالة العقل بص يا قلب يا ابن القلب يعني لو انت ارتبط بوحدة وهي ارتبطت بيك وحبيتوا بعض وعشتوا احالي قصص الحب
وعند الجد انت مستقبل غامض مش واضح واتقدم ليها حد ومع ضغط المجتع والاهل وفقت يبقي انت جرحت نفسك وجرحت قلبها وظلمت قلب اللي حيرتبط بيها ولا ايه يا قلب يا ابن القلب
فطبعا القلب قام وقف وقال انا بعترض علي السخريه في الكلام بتاعك والتهكم عليا
ثانيا اه كلامك صح بس لو كل الامور اتخدت كدا يقي عليه السلام مفيش حد حيحب ومفيش حاجه حتبقي اسمها حب
رد العقل وقال الحب بعد الزواج
فرد القلب قاله احنا في 2011 عقل اصحي فوق مفيش كلام
وطبعا الحوار فضل شغاااااااااااال لحد ما عنيا تدخلت وغمضت وانا رحت في نوم عميق
ونمت بس انا فاكر كلمه قالها قلبي قالي حراااااااااام عليك حرااااااام عليك عشها ببصاطة وسبها علي الله
وانا بين ودة ودة حيران حد عندة حل ؟؟؟؟؟؟؟؟؟
ليست هناك تعليقات:
إرسال تعليق